يلا نتذكر تراثنا و عاداتنا و لو بمثل و لا مقوله المطلوب كل و احد يحط شويه من هالامثال الشعبيه الي عم نسمعها و من و احنا صغار لعبل ما صرنا كبار
و هي انا ببدا يلا.... تعالوا و حطوا زي ما شفتوا....
أكل الهدية وكسر الزبدية
إذا انت أمير و أنا أمير، مين بيسوق الحمير؟
شو أحلى من العسل قال الخل ببلاش
البيت ضيق والحمار رفاص
بكره بنقعد عالحيطة وبنسمع الزيطة
عاشر المصلي بتصلي و عاشر المغني بتغني
لو كان الرجال بشاربهم لكان الصرصار اجدعهم
ال مالو حباب بلتموا عليه الكلاب
صار للشرشوحة مرجوحة و لأبو بريص قبقاب
وجع ساعة ولا كل ساعة
كل اكل الجمال وقوم قبل الرجال
أيلول ذيله مبلول
خبي حطباتك الكبار لعمك آذار
اللي بدري بدري واللي ما بدري بيقول كف عدس
لو في خير ما رماه الطير
اذا كولنالها اطبخي بتكول مريضه ... بس اذا كولنالها تعي كلي بتقول وين ملعقتي العريضه
مجنون زت حجر بالبير .. بدو 100 عاكل يطلعوه
الأقرع بتباهى بشعر ابن خالتو
مين بشهد للعروس... إمها و خالتها و عشره من حارتها
يوم اللك ويوم عليك دير بالك فتح عينيك
سمره ونغشه، ولا بيضة ودفشة
الجوز رحمة ولو كان فحمة
عندك عيش وعندي عيش وفراغة العين ليش ؟
ريحة الإم بتلم
لا تذم و لا تشكر إلا بعد سنة و ست أشهر
إبنك على ما تربيه و جوزك على ما تعوديه
الي بدق الباب بسمع الجواب
يا جاي بلا عزيمة يا قليل القيمة
الطويلة طالت التينة والقصيرة ظلت حزينة
ان ضربت إوجع وان طعميت إشبع
يا ريت تكون عجبتكم و اشوف اقلامكم عم تكتب.....